32. Ribitihig hinabol ang liab niini aron dili kini magisi.
33-34. Libot sa sidsid sa sotana bordahi ug mga prutas nga granada nga hinimo sa asul, tapol ug pula nga delana. Bitayi usab ang maong sidsid ug mga kampanilyang bulawan nga isal-otsal-ot sa mga granada.
35. Kinahanglan nga mao kini ang isul-ob ni Aaron inig-alagad niya ingon nga pari. Inigsulod niya sa Dapit nga Balaan sa atubangan sa Ginoo ug iniggawas niya, madungog ang tinagingting sa mga kampanilya ug dili siya mamatay.
36. “Paghimog adorno nga lunsayng bulawan ug ikulit kining mga pulonga, ‘Gihalad ngadto kang Yahweh.’