10. Ang Ginoo miingon kang Moises, “Adtoa ang mga tawo ug ingna sila nga hinloan nila ang ilang kaugalingon karon ug ugma alang sa pagsimba. Kinahanglan labhan nila ang ilang bisti
11. ug mangandam sila alang sa ikatulong adlaw. Nianang adlawa ako, ang Ginoo, mokunsad sa Bukid sa Sinai aron makita sa tanang mga tawo.
12. Butangig utlanan libot sa bukid ug sultihi ang mga tawo nga dili sila patungason sa bukid o pahikapon sa tiilan niini. Patyon ang mohikap niini.
13. Batoon siya o panaon ug wala gayoy pahikapon kaniya. Tawo man siya o mananap patyon gayod sila. Inigpatingog sa trumpeta, patungasa sa bukid ang mga tawo.”
14. Busa milugsong si Moises sa bukid ug gipaandam niya ang mga tawo aron sa pagsimba. Gilabhan nila ang ilang mga bisti.