6. Ang kopya sa sulat ni Tatenai ug ni Setarbozenai ug sa iyang mga kaubang opisyal nga mao ang mga gobernador nga didto sa lalawigan sa kasadpang bahin sa Suba sa Eufrates gipadala nila ngadto kang Hari Dario.
7. Gitaho nila kining mosunod:“Alang kang Hari Dario, ang kalinaw mag-uban kanimo.
8. “Angay mahibaloan sa hari nga miadto kami sa lalawigan sa Juda ug nakaplagan namo nga ang Templo sa gamhanang Dios gitukod pag-usab ginamit ang dagkong mga bato ug gipahiluna na ang mga sagbayan niini. Nagpadayon kining maong buluhaton uban sa dakong kakugi ug nagmalampuson.