1. Sa ikatulong tuig sa paghari ni Belsazar, ako, si Daniel, nagdamgo. Mao kini ang ikaduha kong panan-awon.
2. Nakita ko sa akong panan-awon nga didto ako sa Susa, ang kapital sa lalawigan sa Elam. Niadtong tungora didto ako sa Suba sa Ulai.
3. Sa pagtan-aw ko, akong nakita ang usa ka torong karnero nga nagbarog daplin sa suba. Tag-as ang duha ka sungay niini apan ang usa mubo-mubo ug ang taas ulahing mitubo.
4. Nakita ko nga ang torong karnero nagdagan paingon sa kasadpan ug sa amihanan ug sa habagatan ug walay mananap nga makasukol o makabuntog niini. Busa gibuhat niini ang iyang gusto ug nagpasigarbo kini sa iyang kaugalingon.