1. Nagpahimo si Hari Nabucodonosor ug estatuwang bulawan. Ang kahabugon niini 27 ka metros ug dul-an tulo ka metros ang gilapdon. Gibutang niya kini sa kapatagan sa Dura sa lalawigan sa Babilonia.
2. Unya gitigom ni Hari Nabucodonosor ang mga tinugyanan, mga mayor, mga gobernador, mga magtatambag, mga tesorero, mga maghuhukom ug ang tanang nga opisyal sa lalawigan aron pagtambong sa paghalad niya sa estatuwa.
3. Unya ang mga tinugyanan ug mga mayor, ang mga gobernador, ang mga magtatambag, ang mga tesorero, ang mga maghuhukom ug ang tanang opisyal sa lalawigan nagtigom aron pagtambong sa paghalad sa estatuwa nga gipahimutang ni Hari Nabucodonosor. Mibarog sila atubangan sa maong estatuwa.