4. Apan sa dihang magamhanan na siya kaayo, mabahin sa upat ang iyang gingharian. Mga hari nga dili niya kaliwat maoy mopuli kaniya pagmando apan walay usa kanila nga makabaton sa gahom nga iyang gihuptan kaniadto.
5. “Unya ang hari sa Ehipto mahimong gamhanan apan usa sa iyang mga heneral mahimong gamhanan pa kay kaniya ug mas dako pag gingharian kay kaniya.
6. Tapos sa pipila ka tuig, ang hari sa Ehipto makig-abin sa hari sa Siria ug ang babayeng anak sa hari sa Ehipto minyoon ngadto sa hari sa Siria aron pagdugang sa kalig-on sa maong panag-abin. Apan dili molungtad ug dugay ang maong panag-uban kay siya, ang iyang bana, ang iyang anak ug ang mga sulugoon nga mikuyog kaniya pamatyon man.