1. May pangulo sa kasundalohan sa Siria nga si Naaman. Bantogan siya ug gitamod pag-ayo sa hari tungod kay pinaagi kaniya gihatag sa Ginoo ang kadaogan ngadto sa Siria. Isog siya apan sanlahon.
2. Ang mga taga-Siria, sa usa nila ka pagsulong sa Israel, nakabihag ug usa ka dalagita ug nag-alagad siya sa asawa ni Naaman.
3. Miingon siya sa asawa ni Naaman, “Maayo unta nga makaadto ang akong agalon sa propeta nga atua sa Samaria aron ayohon siya sa iyang sanla!”