8. Sa ikapito nga adlaw sa ikalima nga bulan sa ika-19 nga tuig sa paghari ni Nabucodonosor sa Babilonia, si Nebusaradan, ang kapitan sa mga guwardiya sa hari sa Babilonia, miadto sa Jerusalem.
9. Gisunog niya ang Templo sa Ginoo ingon man ang palasyo sa hari ug ang tanang balay sa kadagkoan sa Jerusalem.
10. Ug gilumpag sa mga taga-Babilonia nga kuyog ni Nebusaradan ang mga kota nga naglibot sa Jerusalem.
11. Ang mga tawo nga nahibilin sa siyudad ug ang mga sundalo nga mitipon sa kasundalohan sa hari sa Babilonia ug ang uban pang mga tawo gidala ni Nebusaradan ngadto sa Babilonia.