15. Busa ipadala sa imong mga sulugoon ang giingon mong trigo, sebada, lana ug bino
16. kay andam kami sa pagpamutol sa mga kahoy sa Lebanon nga imong gikinahanglan. Himoon namo kining balsa ug ipalutaw agi sa dagat. Amo kining ihatod kutob sa Jopa aron gikan didto dad-on ninyo kini ngadto sa Jerusalem.”
17. Unya gipalista ni Solomon ang tanang langyaw nga diha magpuyo sa Israel sama sa paglista ni David nga iyang amahan ug mikabat sa 153,600 ka tawo ang tanan.
18. Ang 70,000 kanila iyang gihimong tighakot sa mga materyales ug ang 80,000 gipakuha niyag mga bato sa kabungtoran ug ang 3,600 gihimo niyang mga kapatas sa trabaho.