1 Samuel 18:26-30 Ang Bag-ong Maayong Balita Biblia (RCPV)

26. Ug sa pagkabati ni David niini, nalipay siya nga mahimo siyang umagad ni Saul. Busa sa nagsingabot na ang gitagal nga panahon sa kasal,

27. milakaw si David kuyog sa iyang mga sundalo ug gipatay nila ang 200 ka Filistihanon ug ilang gipanguhaan sa yamis ug gidala kini ngadto kang Saul. Busa naasawa ni David si Mical ug nahimo siyang umagad sa hari.

28. Sa nakita ni Saul nga ang Ginoo nag-uban kang David ug nga ang iyang anak nga si Mical nahigugma pag-ayo kang David,

29. misamot ang iyang kahadlok kang David. Ug gikontrahan niya pag-ayo si David.

30. Unya ang mga prinsipe sa mga Filistihanon nagbalikbalik sa pagsulong sa Israel apan kanunay silang buntogon ni David. Malampuson kaayo si David kay sa ubang opisyal ni Saul busa gitamod siya pag-ayo.

1 Samuel 18