1. Human si David makigsulti kang Saul, nagkasuod pag-ayo si Jonatan ug si David.
2. Sukad niadtong adlawa gisagop ni Saul si David ug wala niya tugoti nga mopauli pa siya sa ila.
3. Unya si Jonatan naghimo ug kasabotan sa panaghigala tali kang David tungod kay gimahal man pag-ayo ni Jonatan si David.
4. Unya gihubo ni Jonatan ang iyang bisti ug gihatag niya kang David lakip ang iyang espada, pana ug bakos.
5. Si David nagmalampuson sa tanan nga gisugo ni Saul kaniya busa gihimo siya ni Saul nga pangulo sa kasundalohan. Ug nakapahimuot kini sa tanang mga tawo ug sa mga opisyal ni Saul.