14. Kon kahadlokan ninyo ang Ginoo ug alagaran ug tumanon ninyo ang iyang sugo ug kon kamo ug ang inyong hari magmasinugtanon sa Ginoo nga inyong Dios, mabulahan gayod kamo.
15. Apan kon dili kamo mamati sa Ginoo ug mosupil hinuon kaniya, kastigohon kamo niya lakip ang inyong hari.
16. Busa makita ninyo karon ang kahibulongang butang nga himoon sa Dios sa inyong atubangan.
17. Dili ba karon ting-ani man sa trigo? Apan niining higayona hangyoon ko ang Ginoo nga iyang padalugdogon ug paulanon aron masayod kamo sa kangil-ad sa inyong nabuhat nga pagpangayog hari sa atubangan sa Ginoo.”