25. Unya gisultihan ni Samuel ang mga tawo sa mga katungod ug mga katungdanan sa hari ug gisulat niya kini sa usa ka basahon nga iyang gibutang sa dapit nga balaan. Unya gipapauli ni Samuel ang tanang tawo ngadto sa ilang mga pinuy-anan.
26. Mipauli usab si Saul sa iyang balay didto sa Gibeah ug gikuyogan siya sa mga tawong isog nga gidasig sa Dios.
27. Apan ang mga tawong walay silbi miingon, “Unsaon man niining tawhana pagluwas kanato?” Ug gitamay nila si Saul ug wala nila siya hatagig gasa. Apan nagpakahilom lamang siya.