33. Naghimo usab siyag mga marko nga kahoyng olibo alang sa pultahan sangko sa hawanan sa Templo ug giporma niya kini ug kwadrado.
34. Sipre ang duha ka pultahan. Ang matag pultahan may duha ka palid nga mapilo-pilo
35. nga gikulitan ug mga hulagway sa mga kerubin ug palmera ug mga bulak ug gihaklapan niyag bulawan ang mga kinulit.
36. Gihimo niya ang hawanan sa atubangan sa Templo pinaagi sa tulo ka patong nga sinapsapang bato nga gipahaom uban sa mga tag-as nga sidrong kahoy.
37. Sa ikaupat nga tuig sa paghari ni Solomon, sa bulan sa Sib ang pundasyon sa Templo sa Ginoo gipahimutang.
38. Ug sa ika-11 nga tuig sa paghari ni Solomon, sa bulan sa Bul nga mao ang ikawalong bulan, nahuman ang templo sumala gayod sa plano. Milungtad ug pito ka tuig ang pagtukod ni Solomon niini.