28. Sa pagkabalita ni Joab niini—kay si Joab midapig kang Adonias bisan ug wala siya modapig kang Absalom—midagan siya ngadto sa Tolda sa Ginoo ug migunit sa mga eskina sa halaran.
29. Gisuginlan si Hari Solomon nga si Joab midangop sa Tolda sa Ginoo ug atua sa halaran. Gisugo ni Solomon si Benaias ug giingnan, “Adtoa siya ug patya.”
30. Busa miadto si Benaias sa Tolda sa Ginoo ug giingnan niya si Joab, “Nagsugo ang hari nga pagawason ka!”Apan mitubag si Joab. “Dili ko! Buot ko nga anhi dinhi mamatay.”Mibalik si Benaias ngadto sa hari ug gisultihan niya ang hari sa gisulti ni Joab.