1. Wyn maak jou tong los. Sterk drank maak jou lawaaierig. Hy wat hom aan drank vergryp, is nie verstandig nie.
2. ’n Koning wek net soveel vrees as ’n leeu wat brul.Jy stel jou lewe in gevaar as jy hom kwaad maak.
3. Dit is eerbaarder om op te hou met ’n rusie; dis net dwase wat rusie soek.
4. ’n Luiaard ploeg nie wanneer dit saaityd is nie. Wanneer hy oestyd na iets soek, is daar niks om te oes nie.
5. Wat ’n mens dink, is onpeilbare diep waters, maar verstandiges sal voordeel daaruit trek.