27. Die Kehatgroep het bestaan uit Amram, Jishar, Hebron en Ussiël.
28. Hulle manspersone bo ’n maand oud was altesaam 8 600. Hulle moes na die heiligdom omsien.
29. Hierdie groep het aan die suidekant van die tabernakel gebly.
30. Elisafan, die seun van Ussiël, was hulle leier.
31. Hulle moes omsien na die ark, die tafel, die kandelaar, die altare, die gereedskap wat in die heiligdom gebruik is, die voorhangsel en al die werk wat daar gedoen is.
32. Aäron se seun, die priester Eleasar, was aan die hoof van al die Leviete wat die heiligdom moes versorg.