59. En mag hierdie woorde wat ek voor die Here gebid het voortdurend, dag en nag, by Hom wees sodat die Here ons God my saak en die saak van sy volk Israel volgens ons daaglikse behoeftes in stand sal hou.
60. Dan sal mense oor die hele wêreld weet dat die Here God is en dat daar geen ander god is nie.
61. En mag julle ten volle toegewy wees aan die Here ons God sodat julle altyd sy bevele en gebooie gehoorsaam soos wat julle dit vandag doen.”
62. Daarna het die koning en die hele Israel saam met hom offers aan die Here gebring.