1. Die Here het toe met Job uit ’n stormwind gepraat en gesê:
2. “Wie is dit wat met dom vrae my besluite in twyfel trek?
3. Maak jou reg vir ’n sarsie vrae wat in jou rigting kom wat jy moet antwoord.
4. “Waar was jy toe Ek die aarde se fondamente gelê het? As jy so danig baie weet, sê My!
5. Wie het besluit hoe groot die aarde moet wees? Toe, jy weet dit tog seker, nie waar nie? Wie het die aarde afgemeet?
6. Waarop is die voetstukke van die aarde neergesit? Wie het die hoeksteen gelê?