20. Die man het sy vrou Eva genoem, want uit haar is al die latere geslagte mense gebore.
21. Die Here God het toe vir Adam en Eva klere van vel gemaak en dit vir hulle aangetrek.
22. Toe het God gesê: “Die mens het amper soos Ons geword. Hy weet nou wat die verskil tussen goed en kwaad is. Nou moet hy net nie ook nog die vrugte van die boom van die lewe eet nie, want dan leef hy vir altyd.”
23. Daarom het God hom uit die tuin van Eden weggejaag. Hulle moes elders die grond gaan bewerk, dieselfde grond waaruit hulle gemaak is.