41. Laat Aäron, jou broer, en sy seuns wat saam met hom is, hierdie klere aantrek. Gooi olie uit op hulle koppe en stel hulle aan as die mense wat vir My by die tent werk. Stel hulle aan My voor en bevestig hulle in hulle ampswerk as my priesters.
42. Maak ook vir hulle broeke om onder hulle klere te dra sodat hulle van hulle bobene af tot by hulle heupe toe is.
43. Aäron en sy seuns moet dit aanhê wanneer hulle na die tent toe kom of na die altaar gaan om daar te werk. As hulle dit nie aanhet wanneer hulle daar werk nie, begaan hulle ’n oortreding waarvoor hulle met die dood gestraf kan word. Dit moet altyd die reël vir Aäron en sy nageslag wees wanneer hulle vir My werk.”