16. Die raam is saamgestel uit houtpanele wat elkeen vyf meter hoog en 75 sentimeter breed is.
17. Aan elke paneel moet daar twee laspunte wees, sodat die een paneel aan die volgende een gelas kan word. Al die panele van die tent moet eenders lyk.
18. Maak twintig panele vir die suidelike muur van die tent.
19. Jy moet ook 40 voetstukke van silwer maak om onder die panele te sit. “
20-21. Die muur van die tent aan die oorkant wat noord front, bestaan ook uit twintig panele met 40 voetstukke, twee onder elke paneel.
22. Vir die koppenent aan die westekant moet daar ses gewone panele wees,
23-24. en ook twee versterkte hoekpanele.
25. Hierdie muur bestaan dus uit agt panele met sestien silwervoetstukke.