18. Ses Leviete is elke dag by die wespoort geplaas: vier langs die pad en twee by die plein.
19. Dit was die poortwaggroepe. Hulle was uit die Korag- en die Merarifamilie.
20. Ander Leviete onder leiding van Agija was in beheer van die skatkamers van die tempel en die stoorkamers.
21. Uit die nageslag van Ladan, ’n lid van die Gersonfamilie, was Jegiël die leier.
22. Jegiël se seuns was Setam en sy broer Joël. Dit was hulle taak om die skatte in die huis van die Here op te pas.
23. Hier volg ’n lys van die mense wat van Amram, Jishar, Hebron en Ussiël afgestam het.
24. Die Amramgroep: Subael was ’n afstammeling van Moses se seun Gersom. Subael was die hoof oor die tempelskatte.