17. Die man sê toe: “Hulle is nie meer hier nie. Hulle het weggegaan van hier. Ek het gehoor hulle sê hulle gaan na Dotan.”Josef het sy broers gevolg en hy het hulle in Dotan gekry.
18. Hy was nog ver van hulle, toe het hulle hom gesien aankom. Voordat hy by hulle gekom het, het hulle ’n plan gemaak om hom dood te maak.
19. Hulle het vir mekaar gesê: “Daar kom die groot dromer aan.
20. Kom ons maak hom dood en gooi hom in ’n put. Ons kan vir ons pa vertel dat ’n wilde dier hom opgevreet het. Dan sal ons sien dat al sy drome niks beteken het nie.”