39. Hulle het op een dag hulle kinders geslag vir hulle afgode en hulle het my tempel kom ontwy. Ja, dit is wat hulle gedoen het binne-in my tempel.
40. Hulle het ook boodskappers gestuur om manne te nooi, die manne moes van ver kom. Toe die boodskapper by hulle kom, het hulle dadelik gekom. Jy, Oholiba, het gebad en jy het verf aan jou oë gesmeer en jy het jou juwele aangesit.
41. Jy het gaan sit op ’n baie mooi bed, en jy het ’n tafel voor die bed gesit. Op die tafel het jy my wierook en my olyf-olie gesit.