8. En dan stuur ek ook groete vir Ampliatus, my liewe vriend in die Here,
9. vir Urbanus, my medewerker in Christus, en vir my liewe vriend Stagis;
10. ook vir Apelles — hy het gewys wat in hom steek as gelowige — en die huis van Aristobulus;
11. vir Herodion, my volksgenoot, en vir dié uit die huis van Narsissus wat tot die geloof gekom het.
12. Groete verder ook aan Trifena en Trifosa, ywerige werksters vir die Here, en aan my liewe Persis, wat al baie vir die Here gedoen het.
13. Dra ook my groete oor aan Rufus, die voortreflike werker in diens van die Here, en aan sy moeder, wat ook vir my altyd 'n ma was.