3. Hy het daarop vir hulle gevra: “Wat het Moses julle beveel?”
4. “Moses het toegelaat dat iemand 'n skeibrief opstel en skei,” het hulle geantwoord.
5. Toe sê Jesus vir hulle: “Dit is oor die hardheid van julle harte dat hy hierdie bepaling vir julle gemaak het.
6. Maar van die begin af, van die skepping af, ‘het God hulle man en vrou gemaak.’
7. ‘Daarom sal 'n man sy vader en moeder verlaat en saam met sy vrou lewe,
8. en hulle twee sal een wees,’ sodat hulle nie meer twee is nie, maar een.
9. Wat God dan saamgevoeg het, mag 'n mens nie skei nie.”