34. Maar van hierdie dinge het hulle niks begryp nie. Die woorde was vir hulle duister, en hulle het nie verstaan waaroor Hy praat nie.
35. Jesus het naby Jerigo gekom. Toe 'n blinde man wat daar langs die pad sit en bedel,
36. die groot menigte mense hoor verbyloop, vra hy wat aan die gang is.
37. Hulle vertel hom toe: “Jesus van Nasaret gaan hier verby.”
38. Toe roep hy uit: “Jesus, Seun van Dawid, ontferm U oor my!”
39. Die mense wat voor geloop het, het hom beveel om stil te bly, maar hy het al hoe harder uitgeroep: “Seun van Dawid, ontferm U oor my!”