9. Toe Sara die seun wat Hagar die Egiptiese slavin vir Abraham in die wêreld gebring het, sien lag,
10. sê sy vir Abraham: “Jaag hierdie slavin en haar seun weg. Die seun van hierdie slavin mag nie saam met my seun Isak erf nie.”
11. Abraham het ter wille van sy seun Ismael baie sleg gevoel oor wat sy gesê het,
12. maar God het vir Abraham gesê: “Moenie sleg voel oor die kind en oor jou slavin nie. Luister na alles wat Sara vir jou sê, want uit Isak sal jou nageslag gebore word.
13. Tog sal Ek die seun van die slavin 'n nasie laat word, want hy is jou kind.”