24. Vandat ek julle leer ken het, was julle in opstand teen die Here.
25. “Ek het die veertig dae en veertig nagte voor die Here gelê en gebid, want Hy wou julle vernietig.
26. Ek het tot Hom gebid: Here my God, moet tog nie u volk vernietig nie. Hy is u eiendom, U het hom gered toe U hom deur u groot mag en met kragtige dade uit Egipte laat wegtrek het.
27. Onthou tog u dienaars Abraham, Isak en Jakob. Moenie aandag gee aan die hardkoppigheid van hierdie volk nie, aan hulle opstandigheid en hulle sonde nie.