5. So sou sy sondige aard vernietig word, sodat sy gees gered kan word op die dag wanneer die Here kom.
6. Julle selfverheffing is nie mooi nie. Weet julle nie dat 'n bietjie suurdeeg die hele deeg deurtrek nie?
7. Verwyder dan die ou suurdeeg, sodat julle nuwe, ongesuurde deeg kan wees, en dit is julle ook werklik. Ons paaslam is immers geslag: dit is Christus.
8. Laat ons dan feesvier, nie met die ou suurdeeg of met die suurdeeg van onsedelikheid en ander sonde nie, maar met die ongesuurde brood van reinheid en waarheid.
9. In die vorige brief het ek aan julle geskryf om nie met mense om te gaan wat in onsedelikheid leef nie.