14. En toe die uur kom, het Hy aan tafel gegaan en die twaalf apostels saam met Hom.
15. En Hy sê vir hulle: Ek het baie sterk daarna verlang om hierdie pasga met julle te eet voordat Ek ly.
16. Want Ek sê vir julle: Ek sal sekerlik nie meer daarvan eet voordat dit in die koninkryk van God vervul is nie.
17. En toe Hy ’n beker geneem het, dank Hy en sê: Neem dit en deel dit onder julle.
18. Want Ek sê vir julle: Ek sal sekerlik nie drink van die vrug van die wynstok voordat die koninkryk van God gekom het nie.