6. Op die dag as julle dit offer en die dag daarna, moet dit geëet word; maar wat tot die derde dag toe oorbly, moet met vuur verbrand word.
7. En as dit tog op die derde dag geëet word, sal dit ’n onrein ding wees; dit sal nie met welgevalle aangeneem word nie.
8. En hy wat dit eet, moet sy ongeregtigheid dra, want wat heilig is aan die Here, het hy ontheilig. Daarom moet dié siel uit sy volksgenote uitgeroei word.
9. En as julle die opbrings van julle land oes, moet jy die kant van jou land nie heeltemal afoes en die are wat val, nie versamel nie.