15. en Magir het van Huppim en Suppim ’n vrou geneem; die naam van sy suster was Máäga. En die naam van die tweede was Selófhad; en Selófhad het dogters gehad.
16. En Máäga, die vrou van Magir, het ’n seun gebaar, en sy het hom Peres genoem; en die naam van sy broer was Seres, en sy seuns was Ulam en Rekem.
17. En die seuns van Ulam was Bedan; dit is die seuns van Gílead, die seun van Magir, die seun van Manasse.
18. En sy suster Moléket het Ishod en Abiëser en Magla gebaar.
19. En die seuns van Semída was: Agjan en Segem en Likhi en Aníam.
20. EN die seuns van Efraim was Sutélag; en sy seun was Bered, en sy seun Tahat, en sy seun Eleáda, en sy seun Tahat,
21. en sy seun Sabad, en sy seun Sutélag en Eser en Élead; en die manne van Gat wat in die land gebore was, het hulle gedood, omdat húlle afgetrek het om hulle vee te neem.
22. Daarom het hulle vader Efraim baie dae lank gerou, en sy broers het gekom om hom te troos.
23. Daarna het hy by sy vrou ingegaan, en sy het swanger geword en ’n seun gebaar; en hy het hom Bería genoem, omdat dit tydens ’n onheil in sy huis gebeur het.