1. DIE seuns van Juda was: Peres, Hesron en Karmi en Hur en Sobal.
2. En Reája, die seun van Sobal, was die vader van Jahat, en Jahat van Ahúmai en van Lahad; dit is die geslagte van die Sóreatiete;
3. en dit is die seuns van Etam: Jísreël en Jísma en Jidbas; en die naam van hulle suster was Hasselelpóni.
4. En Pnuel was die vader van Gedor, en Eser die vader van Husa. Dit is die seuns van Hur, die eersgeborene van Éfrata, die vader van Betlehem.
5. En Asgur, die vader van Tekóa, het twee vroue gehad: Hélea en Náära;
6. en Náära het vir hom Ahússam en Hefer en die Temeniete en die Ahastariete gebaar. Dit was die seuns van Náära.
7. En die seuns van Hélea was: Seret, Jesóhar en Etnan.