11. En Jahat was die hoof, en Sisa die tweede; maar Jehus en Bería het nie baie kinders gehad nie, sodat hulle saam ’n familie, een klas gevorm het.
12. Die seuns van Kehat was: Amram, Jishar, Hebron en Ússiël, vier.
13. Die seuns van Amram was Aäron en Moses. En Aäron is afgesonder om die hoogheilige dinge te heilig, hy en sy seuns, tot in ewigheid, om offerrook te laat opgaan voor die aangesig van die Here, om Hom te dien en om in sy Naam tot in ewigheid te seën.
14. En wat Moses, die man van God, betref, sy seuns is by die stam van Levi gereken.
15. Die seuns van Moses was Gersom en Eliëser;
16. die seuns van Gersom: Sébuel, die hoof.
17. En die seuns van Eliëser was Rehábja, die hoof; en Eliëser het nie ander seuns gehad nie, maar die seuns van Rehábja het buitengewoon vermeerder;
18. die seuns van Jishar: Selómit, die hoof;
19. die seuns van Hebron: Jería, die hoof, Amárja, die tweede, Jahásiël, die derde, en Jekámeam, die vierde;
20. die seuns van Ússiël: Miga, die hoof, en Jissía, die tweede;
21. die seuns van Merári: Magli en Musi; die seuns van Magli: Eleásar en Kis.
22. En Eleásar het gesterwe en geen seuns gehad nie, net dogters; en die seuns van Kis, hulle verwante, het hulle geneem.
23. Die seuns van Musi was Magli en Eder en Jéremot, drie.